ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

GGAS រៀបចំកម្មវិធីបញ្ចប់ឆ្នាំសិក្សា២០២២-២០២៣ ជាមួយនឹងការប្រកាសដាក់បញ្ជូលកម្មវិធីសិក្សាអន្តរជាតិថ្មី IB

  • ចុះផ្សាយថ្ងៃទី២៨ ខែមិថុនា ឆ្នាំ២០២៣ ម៉ោង ១៦:០៦ នាទី ដោយ Hun Sirivadh
  • 1523
  Aa |   aA

ភ្នំពេញ៖ សាលាអាមេរិកហ្គោលឌិនហ្គេត ហៅកាត់ថា GGAS បានរៀបចំកម្មវិធីបញ្ចប់ឆ្នាំសិក្សា២០២២-២០២៣ កាលពីថ្ងៃច័ន្ទ និងថ្ងៃអង្គារដើមសប្ដាហ៍នេះដើម្បីលើកទឹកចិត្តដល់សិស្សានុសិស្សដែលបានសិក្សានៅសាលារបស់ខ្លួន ក៏ដូចជាប្រកាសនូវការដាក់បញ្ជូលនូវប្រព័ន្ធសិក្សាបែបអន្តរជាតិថ្មីមួយដំបូងគេនៅសាលានេះផងដែរ។

ថ្លែងក្នុងពិធីបញ្ចប់ការសិក្សាឆ្នាំ២០២២-២០២៣ ដែលបានរៀបចំឡើងនៅសណ្ឋាគារ Sofitel កាលពីថ្ងៃច័ន្ទ ទី២៦ ខែមិថុនា នាយិការសាលាអាមេរិកាំងហ្គោលឌិនហ្គេតលោកស្រី ហេង សុគន្ធា បានថ្លែងថារហូតមកបច្ចុប្បន្នសាលាបានរួមចំណែកជួយការវិស័យអប់រំកម្ពុជាដែលបានបណ្ដុះបណ្ដាលសិស្សទាំងកម្មវិធីសិក្សាជាតិនិងអន្តរជាតិដែលមានគុណភាព។

លោកស្រីបន្ថែមផងដែរថាក្នុងឆ្នាំសិក្សា២០២២-២០២៣នេះ សាលាទើបបានចុះកិច្ចសហការជាមួយស្ថាប័ន IB International Baccalaureate ដែលនឹងជួយដល់សិស្សសាលារបស់ខ្លួនមានសមត្ថភាពប្រកួតប្រជែងឈានដល់ប្រកួតថ្នាក់ពិភពលោក។ កម្មវិធីនេះនឹងដាក់ឱ្យអនុវត្តន៍ចាប់ពីឆ្នាំសិក្សា២០២៣-២០២៤ តទៅចាប់ពីថ្នាក់បឋមរហូតដល់វិទ្យាល័យ។

GGAS ក៏បានក្លាយជាសមាជិក College Board ដែលអាចបើកបង្រៀនថ្នាក់ផ្សេងៗរបស់ College Board ដល់សិស្ស និងទទួលសិទ្ធិសម្រាប់ការប្រឡង SAT តាមរយៈអនឡាញផងដែរ។

International Baccalaureate (IB) គឺជាស្ថាប័នឈានមុខគេលើសកលលោកក្នុងវិស័យអប់រំអន្តរជាតិ ដែលអភិវឌ្ឍការសិក្សាថ្មីៗ បង្កើនចំណេះដឹង ទំនុកចិត្ត និងការយកចិត្តទុកដាក់ចំពោះយុវជន។ កម្មវិធីIB ផ្តល់សិទ្ធិអំណាចដល់សិស្សានុសិស្សដែលមានអាយុចូលរៀនឱ្យមានភាពជាម្ចាស់ក្នុងការរៀនសូត្ររបស់ពួកគេ និងជួយពួកគេអភិវឌ្ឍជំនាញដែលត្រៀមរួចជាស្រេចនាពេលអនាគតដើម្បីធ្វើការផ្លាស់ប្តូរ និងរីកចម្រើននៅក្នុងពិភពលោកដែលផ្លាស់ប្តូរយ៉ាងឆាប់រហ័ស។

រដ្ឋលេខាធិការក្រសួងអប់រំលោកស្រី គឹម សេដ្ឋានី បានថ្លែងកោតសរសើរចំពោះការនាំយកកម្មវិធី IB នេះមកបណ្ដុះបណ្ដាលដល់សិស្សានុសិស្សកម្ពុជាដោយថាជាកម្មវិធីអន្តរជាតិមួយដែលជួយដល់បំណិនសតវត្សទី២១ ជាពិសេសគឺបានដើរមុនគេមួយជំហានខណៈបច្ចុប្បន្នគេច្រើននិយាយពី STEM តែ GGAS អាចឈានដល់ការសិក្សាពី STEAM (Science, Technology, Engineering, Art and Mathematics) ។

លោកស្រីរដ្ឋលេខាធិការបានលើកឡើងថាគ្រឹះស្ថានសិក្សាដែលអាចផ្ដល់នួវការអប់រំមានគុណភាពគឺកត្តាសាលារៀន ការចូលរួមពីសិស្ស គ្រូ ការចូលរួមគាំទ្រពីមាតាបិតាចូលក្នុងការអប់រំ និងកម្មវិធីអប់រំដែលអាចផ្ដល់បាននូវចំណេះដឹង ចំណេះធ្វើ និងចរិយាសម្បទា ដែលទាំងអស់នេះមាននៅ GGAS ផងដែរ។

ក្នុងកម្មវិធីបញ្ចប់ការសិក្សានេះក៏មានបង្ហាញពីការសំដែងសិល្បៈរបស់សិស្សសាលា GGAS និងចែកលិខិតសរសើរដល់សិស្សឆ្នើមផងដែរ ដោយមានការចូលរួមពីសិស្សានុសិស្ស និងអាណាព្យាបាលសិស្សយ៉ាងច្រើនកុះករ៕


ព័ត៌មានជាច្រើនទៀតសម្រាប់អ្នក